ލުބާނާ ޙުސައިން

ގޭތެރެއަށް ވަދެ ދޮރުލައްޕާފައި އިރުކޮޅަކު ދޮރުގައި ލެގިލައިގެން އެ ދޫންޏާއި ދޭތެރޭގައި ވިސްނަން އާރާ ހުއްޓެވެ. މިހެން އިރުކޮޅަކު ހުރުމަށްފަހު އެ ދޫނި ފެނޭތޯ ކުޑަދޮރުން ބޭރުބަލާލިއެވެ. ނަމަވެސް އެ ދޫނި ފެންނާކަށް ނެތެވެ. އާރާ ގޭގެ ގޯތިތެރެއަށް ނަޒަރު ހިންގާލިއެވެ. އާރާ ސިއްސައިގެން ގޮސް ފަހަތަށް ޖެހެވުނެވެ.

"ދަރިފުޅާ…" ހުސްނާ ދެތިން ފަހަރަކު ގޮވާލުމުން އާރާއަށް ޚިޔާލީ ދުނިޔެއިން ބޭރަށް ނުކުމެވުނެވެ. "ކޮންކަމަކާ ތި ވިސްނަނީ؟" ހުސްނާ ސުވާލު ކުރަމުން އައިސް ޖޯލީގައި އިށީނެވެ. އާރާ އޮތީ އުނދޯލީގައި އޮށޯވެލައިގެން ނެވެ. "ބައްޕަ މިއަދު ހެނދުނު ބުނި ވާހަކައާ މެދު މި ވިސްނަނީ" އާރާ ފުންކޮށް ނޭވާއެއް ލަމުން ބުނެލިއެވެ.

އާރާ އަވަސް އަރުވާލައިގެން ތެދުވެ ތަށި ބަހަށްޓާފައި އަތް ދޮވެލައިގެން މައްޗައްއަރާ ކޮޓަރިއަށްވަދެ ތަޅުލިއެވެ. "މި ޖެހުނީ ކޮންކަހަލަ ކަމަކާ؟ މުހީން ގެއަށްވެސް އެއައީ…" އާރާ ގޮސް އެނދުގައި އޮށޯވެ ގައިމަތީ ރަޖާގަނޑު ފަތުރާލިއެވެ. އާރާއަށް ހޭލެވުނީ ގޭގެ ބޮޑުދޮރުގައި މީހަކު ވަރަށް ބާރަށް ޖަހާ އަޑަށެވެ. އާރާ ލޯ އުނގުޅަމުން ތެދުވެ ގަޑި ބަލާލިއެވެ. މެންދަމު ތިންގަޑި ބައިވަނީއެވެ. "ބައްޕަ މަހަށްގޮސްސަ އައީ ކަންނޭންގެ…" ތެދުވެގެން ކޮޓަރީގެ ދޮރާ ދިމާއަށް ދަމުން އާރާ ބުނެލިއެވެ. "ބައްޕަ ވަރަށް ނާންނަގަޑި އެއްމިއީ… އެހެންވީރު އެއީ ކާކުބާ؟" ކޮޓަރިން ނުކުމެގެން ތިރިއަށް ފައިބަމުން އާރާ ހިތައް އެރިއެވެ. އާރާގެ ހިތައް ނޭނގޭ ކަހަލަ ބިރުވެރި ކަމެއް ވަނެވެ.

އާރާ ކުނިކަހަމުން ގޮސް ގޭގައި ހައްދާފަހުރި ގަސްތަކާ ދިމާއަށް ދިޔައެވެ. ކުނިކަހަން އޮތްއިރު އާރާއަށް އޭނާގެ ފަހަތުގައި މީހަކު ހުރިހެން ހީވިއެވެ. އާރާ ފަހަތަށް އެނބުރިލަމުން "މަންމާ ބިލަމަގު ކޮޅެއް ބިނދެދެން…ވީ..." އާރާގެ ބަސް ހުއްޓުނެވެ.

މެންދަމުގެ ހަމަހިމޭން ވަގުތެވެ. ފިނީގެ ތެރެއަށް އާރާ ނުކުމެލީ އެނދުގައި އޮވެ ފުރޮޅި ފުރޮޅި އެއްގޮތަކަށްވެސް ނިދި ނައިސްގެންނެވެ. އުޑުގައިވާ ތަރިތަކަށް ބަލަން އާރާ ހުރީ އޭނާގެ ގޭގެ ދެވަނަ ބައިގެ ބެލްކަނީގައެވެ. އޭނާ ތަރިތަކަށް ބަލަން ހުރެ ލަވައެއް ކިޔާލަ ކިޔާލާ ހުއްޓެވެ. އުމުރުން 18 އަހަރުގެ އާރާ އަކީ ލޫޅާފަތި ހަށިގަނޑެއް ލިބިގެންވާ ފުރިހަމަ ކުއްޖެކެވެ. އޭނާގެ ކަޅުކުލަ ގަދަ، ދިގު، ފަން އިސްތަށިގަނޑު ވައިގެ ތެރެއަށް ވިހުރޭން ދޫކޮށްލައިގެން ބެލްކަނީ އަތް އަޅައިގެން ލަވަކިޔަމުންދާ މަންޒަރަކީ ހަމަ ޔަގީނުންވެސް މީހަކު ބަލާ ފޫހިނުވާނެ މަންޒަރެކެވެ.

އަހަރެން ވީ ދެރައިން ދުވެފައިގޮސް ކޮޓަރިއަށް ވަނީމެވެ. އަހަރެންނަށް ކުރެވުނު ކުށްހީއަކީ އަހަރެން ކޮބައިތޯ ބަލަން މަންމަ ނޫނީ ބައްޕަ އަންނާނެ ކަމެވެ. އެކަކުވެސް ނައެވެ. އަހަރެންގެ އެ ކުޑަކުޑަ ހިތުގައި ފުރަތަމަ ފަހަރަށް ރިއްސާލިއެވެ. އެދުވަހު ލޯގަނޑު ކުރީމަތީގައި ހުއްޓިހުރެ އަހަރެންވެސް އަހަރެންގެ ސިފައަށް ބެލީމެވެ. ބެލިބެލިހެން މަންމަ ބުނި ވާހަކަތައް ގަބޫލުކުރެވުނެވެ.

އަހަރެންގެ އުމުރުން އެންމެ އަށް އަހަރުން ފެށިގެން ދިރިއުޅުމުގެ ކަންކަން އަހަންނަށް ދަސްވާންފެށިއެވެ. އަހަންނަކީ އެހާ ނަސީބުގަދަ މީހެއްނޫނެވެ.